​

Vi-i-i-tyi, Vi-i-i-tyi, Vi-i-i-tyi!

Yimani mzi kaPhalo namahumhum,

Kahleni sizwe sikaXhosa neziyaluyalu,

Intliziyo yam izele ngamabibi,

Ingxowa yakho iphuphuma bububi,

Wena undakhele umkhanyo ndikucuphile,

Nina nimele kude sinikrwaqule.

Thethani madoda yini na imbambano,

Xelani bafazi yini na ingxabano,

Loqani makwedini yini na ugqebhano.

Ubuhlanga ndibuhleba ngokuhlaba nokuhlahlela,

Iintlanti zentlamba nontlithwano ziyahlahlela,

Madoda ndiyekeni ndithethe ndidondothele,

Shenxani ndigece nditshente ndishikixe.

Namhl' iingqondo zingqubene ngezingqala,

Otheth' amadoda axinane axakeke,

Oxovan' amadoda axikixwe axwebuke,

Odidan' amadoda adizane adengeke,

Impucuko . . .

​

 Umbongo: Z.S. Qangule_

​